Gestern in der U-Bahn. Dialog zweier Mitbürger.

Er: "Das Matriarchat wird ja noch immer vom Patriarchat verschleiert."
Sie: "Ich finde es auch ganz wichtig, daß das in die Öffentlichkeit getragen wird, denn nur, was diskutierbar ist, ist auch veränderbar."

Sachdema Leud, hat's eusch eischentlisch allemiddenand jetz? Binnisch vielleischd im Zoologische Gadde fer bedrohde Weldanschauunge gelannd und habs ned gemerckt? Was wollder denn blos von miä? Sollisch villeischdn heilisches Gelüpde ableesche nur noch uff Frangfodderisch zu blogge bis der Weldengeist sisch widder bequemd hat eizurenge? Ummisch rumm issn itjolochischer Tornaddo am heule un kaa Schdormwannung is kimme un die Wasch hängd aach noch drause uff de Lein un derweil such isch den Weesch ausm Parallelunifäsum weil isch klaub des is ned mehr mei Realidähd wo isch bisher dribber geschribbe hab des is was anneres was ganz berfiedes die wolle misch klaa krieje die habbes uff misch abgesehe die wolle misch nach Niedäratt ibbern Maa die wolle misch hier ned habbe ei wann herd des dennema uff iwwehaabd un geht alles bein Deibel wenns ned da schonn is des ganse Matriaschaat un Patriaschaat un alles und disgudiän driwwä und verännern wollese die junge Leud was die ned all wolln midde Öffendlischkait unde ganse Demonstatziohne abber isch wolld Sie ja gahned uffhalde gelle abbä so kimmt mer ins Schläächtschwätze vor lauder Itjoloschie mer warn ja aachema jung un vollä Uddopije un weffe Se mir ned vor von wesche Iwweridendifiziärung mid so Leut nur mer mussisch haldema ab un an e bissi Luft mache uff dene ihr Koste weil sonst backt mers ja nämmä

Man reiche mir: Parkbank, Gehstock, Stützstrümpfe, Dauerwelle. Die Rolle sitzt. Perfekter Halt bei jedem Wetter.